FIN

Nesta entrada gustaríame facer unha conclusión sobre esta asignatura. Tras 21 entradas subidas neste blog creo que esta foi unha boa experiencia. Gracias a esta asignatura aprendín centos de cousas novas sobre Galicia e aprendín a ver a nosa terra dunha forma diferente.
A continuación gustaríame facer un ranking das miñas entradas favoritas:

• 5- Nin Gótico nin Románico, en Galicia predomina o feismo. Nesta entrada podemos apreciar como o inxenio dos galegos se traduce nas nosas cidades e vilas e no noso paisaxe de maneira chamativa e crispante.
• 4- Viaxe no tempo á Galicia de 2050. Aquí podedes ver as portadas dos periódicos do ano 2050 da Voz de Galicia, que reflexan a sociedade do do futuro. Gustoume especialmente a realización das portadas.
• 3- A cultura castrexa. Esta foi a primeira entrada na que subín un video á que lle teño un gran cariño porque foi o inicio de todos os videos que subín ao canal. Nel podemos ver un reflexo da sociedade castrexa.
• 2- María Pita, a galega invencible. Esta foi a primeira entrada que subín en colaboración co meu amigo Carlos quen califica esta entrada como "Unha obra mestra". Gustoume moito a elaboración desta entrada.
• 1- Por ultimo, teño que mencionar á que na miña opinión é a mellor das miñas entradas, The Big Bang Theory, Galicia nun minuto. 

Que é Galicia para min?

Neste vídeo podedes ver imaxes do que é Galicia para min, e penso que algunhas delas merecen explicación.

Ao comezo podedes ver dous dos máis representativos monumentos de Galicia, a Catedral de Santiago e a Torre de Hércules, que pola súa importancia merecen estar neste vídeo e que ademais fan referencia a diferentes etapas da nosa historia como a romana, a medieval e a Ilustración . A continuación aparecen unhos petroglifos en representación do noso pasado e as nosas orixes celtas. Despois podemos apreciar a praia de Valdoviño que non so está neste vídeo por ser a miña favorita, senón que tamén representa a vinculación do noso pobo co mar. Chegados ao segundo 45 podemos ver un obxecto có que todo galego está familiarizado, o paraugas, que nos fai máis fácil o noso día a día sempre que chove. Posteriormente aparece un polbo á feira cociñándose, facendo referencia a nosa marabillosa cociña.

Por último podemos apreciar dúas imaxes que fan referencia á esencia rural de Galicia e á súa paisaxe. Posiblemente non comprendades porqué aparece a central térmica de As Pontes, pero a súa explicación é moi sinxela. Meus avós viven en Vilalba, concretamente nunha pequena aldea chamada Goiríz, e todos os fines de semana meus pais mais eu imos a visitalos, dende que teño uso da memoria. Esta viaxe de 60 km ten como punto intermedio a vila de As Pontes que para min simboliza a unión entre o rural e o urbano, entre o noso pasado e o noso presente. Para finalizar temos unha imaxe dun prado que fai referencia á agricultura galega e tamén ás nosas paisaxes.

Esta é a miña visión sobre Galicia, onde aparecen os que na miña opinión, son os seus elementos máis representativos. 

A Galicia que nos agarda.

Neste video recreo unha visión distópica do futuro de Galicia. Eu mesmo compuxen a música, espero que vos guste.

Viaxe no tempo á Galicia de 2050

Todos sabemos como viaxar no tempo cun DeLorean, pero non todos podemos permitirnos ter un para poder coñecer o que sucederá dentro dunhos anos ou exclarecer misterios do pasado. Por esta razón eu vouvos ensinar como viaxar no tempo dunha forma moito mais barata.

  

Con esta máquina do tempo viaxei ao ano 2050 e non vos vou contar o que vin, prefiro que o vexades por vos mesmos. Aquí tedes as portadas dos periódicos que fun recollendo na miña viaxe.

 

 

 

 

 

 

 

 

Non obstante, teño que advertiros dos peligros de viaxar no tempo, calquera cambio no futuro ou no pasado podrían ter drásticas consecuencias, así que sede consecuéntes cando viaxedes. Pero tamén pode ter fantásticas vantaxes.

Ladrillos de Galicia

Nesta entrada vou a facer unha mención de todas aquelas obras arquitectónicas de Galicia que pola sua importancia considero dignas de dedicarlles unha entrada. Recollerei obras dende a época romana ata a etapa contemporanea.

• Muralla de Lugo: esta muralla de máis de dous kilómetros de lonxitude rodea todo o casco antigo da cidade.
• Ponte de Ourense: esta ponte romana construida no s.I d.C. cruza o Río Miño
• Torre de Hércules: faro romano construido no sII d.C. e reformado en 1788.
• Catedral de Santiago de Compostela: catedral románica construida entre os séculos XI e XII que alberga os restos do Apostol Santiago. Importante centro de peregrinación. Sufreu numerosas remodelacións entre as que destaca a fachada barroca.
• Catedral de Mondoñedo: catedral de estilo románico contruida no século XIII.
• Catedral de Tui: catedral de estilo románico construida no século XII.
• Catedral de Ourense: catedral gótica do século XIII.
• Concatedral de San Xiao: igrexa neoclásica construida no século XVIII.
• Pazo de Raxoi: pazo neoclásico construido no século XVIII.
• Capela da Virxe Peregrina de Pontevedra: igrexa neoclásica do século XVIII.
• Cidade da Cultura de Santiago de Compostela: obra contemporanea construida no ano 2011

César Portela

Decidín facer esta entrada sobre Cesar Portela, xa que a arquitectura é unha das miñas paixóns. El é un arquitecto nativo de Pontevedra que foi galardoado co Premio Ncional de Arquitectura de España en 1999 e ademáis é autor e colaborador en numerosas obras como as que veredes a continuación.

César portela from pmedinca

Aquí podedes ver unha entrevista a César Portela.
 

Manuel Alonso Fojaca, o ferreiro de Rio Torto.

Seguimos a falar sobre a cultura galega, e nesta entrada vou a falar do meu tío Manuel Alonso Fojaca, ou como eu chamo, Manolo, que traballa como ferreiro. Este traballo remontase á idade dos metais, cando o home empezou a coñecer a utilidade deste magnífico material. A profesión dos ferreiros foi durante anos un oficio prestixioso, pois eran eles quenes controlaban a produción de bens metálicos. Esta profesión tivo un papel fundamental na historia, dende a espada que determina unha guerra ata a culler que alimenta a unha persoa. Posteriormente, as técnicas de traballo cos metais fóronse modernizando ata chegar á etapa industrial. A partir de entón esta profesión, que forma parte da cultura de Galicia quedou case por completo en desuso, e so algunhas persoas como o meu tío a conservan. Tal é o éxito que Manolo alcanzou co seu oficio que xa apareceu repetidamente na TVG amosando ao mundo os segredos do seu traballo.

Aquí vos deixo unha serie de vídeos onde poderedes presenciar o proceso de produción entre outras cousas que vos poden chamar a atención. Tamén os podedes ver no canle de Youtube de Galiciémonos.

Nin Gótico nin Románico, en Galicia predomina o Feísmo

O tema proposto para as seguintes entradas é a cultura galega. Así que buscando información sobre un tema que me interesa, a arquitectura, simplemente con escribir en Google "Arquitectura de Galicia" atopei algo que captou a miña atención inmediatamente. Xusto na cuarta web leo "Feísmo (Arquitectura gallega)".

É posible que moitos non consideren esto parte da cultura galega, pero non se pode negar que é algo que está presente ao noso arredor e que é estraño atopar unha rua que non se vexa influenciada por esta tendencia.

Estou seguro de que tras ver esta presentación observaredes as ruas de forma moi distinta a como o facíades antes.

Feísmo from pmedinca

Canle de You Tube de Galiciémonos.

Se queres ver videos sobre Galicia entra no canle de You Tube de Galiciémonos. Nas listas de reproducción do canle podrás ver os videos das anteriores entradas e outros videos interesantes relacionados co tema.

Os Irmandiños, en busca dunha Galicia máis xusta.

Nunha época de crise a todos os niveis en Galicia, os seus valentes habitantes decidiron facer fronte ás inxustizas que sufrían por parte da nobreza. O pobo decidiu levantarse en armas contra os nobres que exercían o control no territorio.

No ano 1431 formouse a Irmandade Fusquenlla, liderada por un fidalgo de baixa estirpe chamado Roi Xordo, no territorio dos Andrade. Mais tarde a revolta expandiuse a outras zoas coma Mondoñedo, Lugo ou Santiago. Esta revolta foi silenciada en 1435 pero a cousa non ía quedar así. De novo en 1467, ante a deprimente situación do pobo, mais de 80.000 persoas organizáronse na chamada Irmandade Xeral que actuaría contra as inxustizas dos señores feudais. Entre 1467 e 1469 mais de 130 castelos serían derruidos pola Irmandade.

Sen embargo, a vitoria irmandiña non foi mais que temporal. En 1469, Pedro Madruga volve cun exército con armas de fogo (unha innovación da época) que acaba có proxecto irmandiño. A restauración dos antigos señores feudais non é o único castigo ao que foron sometidos os galegos, senón que ademais tiveron que reconstruir os castelos que derruiran.

Nunca máis, un chisco de luz entre a escuridade.

Tras a catástrofe do cargueiro Prestige que tivo lugar na costa galega e ante a ineptitude e inacción do goberno, unha serie de persoas decidiron agruparse e tomar medidas ao respecto. Así naceu o movemento Nunca Máis.

Eduardo Barreiros, o enxeñeiro rebelde.

Eduardo Barreiros, o enxeñeiro rebelde.

Na época da ditadura de Franco, período en que España estaba pechada ao resto do mundo, un empresario galego intentou vencer esas barreiras por medio do esforzo e a superación. Tratase de Eduardo Barreiros, un home que nunca se daba por vencido e que perseguiu o soño de chegar a crear algo grande.

Formaba parte dunha familia humilde que posuía unha pequena empresa de transporte. Posteriormente formou o seu propio taller de mecánica. Investigou o funcionamento dos motores e ideou un método revolucionario para poder transformar motores de gasolina a diésel. O éxito foi rotundo e Barreiros chegou a ter a maior empresa de automóbiles que endexamais houbo en España. Pero non foi sen esforzo xa que o apoio á empresa foi nulo e a negativa tanto do réxime como doutros competidores a que a esta tivera éxito estibo presente.

A pesar de que hoxe en día a empresa xa non existe, esta é un claro exemplo do que os galegos podemos chegar a facer.